strīsaṅginā sadā bhāvyamanyathā na prasīdati।
kṣubdhāyāṃ yoṣiti kṣubdhā sadā devī na saṃṣayaḥ॥
sā cedbhavati saṃkṣubdhā danamāyuśca nāśayet।
vṛthā sadakṣiṇo homo yadyapriyakaraḥ striyaḥ॥
buddhirbalaṃ yaśorūpamāyurvittaṃ sutādayaḥ।
naśyanti tasya sarvāṇi yoṣinnindāparasya ca॥
mātāpitrorvaraṃ tyāgastyājya śambhustathā hariḥ।
varaṃ devī parityājyā naiva tyājyā svakāminī।
varaṃ janamukhānnindā varaṃ vā garhitaṃ yaśaḥ॥
varaṃ prāṇā paritryājyā na kuryādapriyaṃ striyāḥ।
na dhātā nācyutaḥ śambhurna ca vā sā sanātanī॥
yoṣidapriyakartāraṃ rakṣituṃ na kṣamo bhavet।
śmaśānasādhanaṃ nātra na citā śavasādhanām॥
yoṣitpūjanamātreṇa annapūrṇā susiddhidā॥
iti annadākalpe siddhisādhanādivivaraṇaṃ nāma ṣoḍaśaḥ paṭala
padmavajra 